San Murezzan 2017 RTR cun videos sin engadinerpost.ch

Radiotelevisiun Svizra Rumantscha e la «Engadiner Post/Posta Ladina» collavuran durant ils Campiunadis mundials da skis a San Murezzan, scrivan las responsablas da la communicaziun da RTR.

Part da la homepage.

Legenda da maletgs: Cooperaziun durant ils Campiunadis - RTR è cun videos sin engadinerpost.ch . RTR

RTR metta a disposiziun a partir dal glindesdi, il cumenzament dals Campiunadis mundials, enfin ils 19 da favrer regularmain videos cun novitads da la regiun. La «Engadiner Post/Posta Ladina» po plazzar ils videos sin sia pagina engadinerpost.ch ubain en las raits socialas. Questa collavuraziun dura enfin ils 19 da favrer 2017.

Cooperaziun cun «La Quotidiana» è sa cumprovada

Gia dapi il 2009 surprenda la gasetta «La Quotidiana», sa basond sin ina cooperaziun cun RTR, mintgadi diversas novitads da la regiun. Tenor ina statistica dal 2015 cuntegna la gasetta rumantscha 28% novitads da RTR.