Siglir tar il cuntegn

Header

cuntegn

Medias 2017 Profil cun Urs Cadruvi – Cussegl dal public SRG.R prenda posiziun

Manipulà u betg? Questa dumonda è stada en il center da las discussiuns da la terza tschentada 2017 dal Cussegl dal public SRG.R ils 13 da settember. Il «Profil» cun Urs Cadruvi dals 20 da matg ha chaschunà differentas emoziuns e reacziuns.

Plinavant ha il Cussegl dal public tractà l’emissiun da radio «Profil» en general, l’emissiun d’infurmaziun da stad da la televisiun rumantscha «sil punct», e las novitads regiunalas online.

Profil – emissiun emnila en il Radio Rumantsch

«Profil» è dapi onns in’emissiun da tschep dal program da radio da RTR. Mintgamai la sonda avantmezdi vegn ina persuna purtretada aifer 40 minutas d’inA moderaturA entras in’intervista che munta il fil cotschen per preschentar la persuna e sia vita. Ina part integrala da l’emissiun è musica tschernida dal giast. Da las otg emissiuns tadladas da la gruppa da lavur èn set «Profils» stads da moda usitada. L’emissiun è interessanta ed ils protagonists stattan e restan en il center. La furma è constanta e solida e correspunda a quella dals ultims onns. Differenzas datti tar la moderaziun, nua che la gruppa ha constatà divers nivels da qualitad. Chattar e persequitar il fil cotschen dal discurs senza sa repeter, cunzunt en la fasa finala «chavazzins», na vegn betg adina ademplì. Mantegnair la survista a moda rutinada è indispensabel, gist sin quest sectur.

Profil dals 20 da matg cun Urs Cadruvi - dischequilibrà ma betg manipulà

Il Cussegl dal public SRG.R

Avrir la box Serrar la box

Il Cussegl dal public è in gremi consultativ independent ch'accumpogna la lavur

ed il svilup dal program da RTR cun constataziuns e propostas. Il Cussegl dal public sa raduna per regla quattergiadas ad onn. El observa singulas purschidas da program, emissiuns ed offertas online da RTR. El sa cumpona da 15 commembers.

Undas nunusitadas ha bittà il «Profil» dals 20 da matg cun Urs Cadruvi, anteriur secretari general da la Lia Rumantscha. Il Cussegl dal public ha perquai tractà quest Profil separà. I ha dà ina discussiun extendida e fundada cun puncts da vista divergents. Ina gronda part dal Cussegl dal public è stada da l’opiniun ch’il Profil saja bain stà nunusità en sia furma, quai tant nà da l’intent da

l’emissiun sco era dal stil da moderar. Dentant è il Profil cun Urs Cadruvi vegnì giuditgà sco betg manipulà. Singulas persunas avevan numnadamain rinfatschà ad RTR d’avair laschà manipular dals adversaris dad Urs Cadruvi.

Ord vista dal Cussegl dil public SRG.R avessan ins dentant gì da communitgar avant u schizunt durant l’emissiun davart ina midada da furma da quest Profil.

Quai avess franc creà chapientscha empè da trumpadas tar ina part da l’auditori.

Artitgels legids il pli savens