Gieus olimpics 2026 «Gieus olimpics 2026: senn u nunsenn»? Ina discussiun al podium

Radiotelevisiun Svizra Rumantscha ed il studio regiunal grischun da SRF envidan a la discussiun da podium «Gieus olimpics 2026: senn u nunsenn» ed emettan quella live sin rtr.ch, srf.ch/graubuenden e sin RTR+. La debatta ha lieu gievgia, ils 26 da schaner, a las 19:30 en il Hotel Laaxerhof a Laax.

Andri Franziscus e Stefanie Habluetzel ils moderaturs da la saira.

Legenda da maletgs: Andri Franziscus e Stefanie Habluetzel ils moderaturs da la saira. RTR

ls 12 da favrer 2017 votescha il pievel grischun davart ina candidatura per ils gieus olimpics ed ils paralimpics d'enviern 2026. Curt avant la dumengia da votaziun tutgan RTR e SRF il puls tar adherents ed adversaris ed envidan ad ina discussiun al podium cuntraversa.
Sin il podium discuteschan: Jon Domenic Parolini, cusseglier guvernativ, Silva Semadeni, cussegliera naziunala, Reto Gurtner, CEO Arena Alva, Anita Mazzetta, gestiunaria WWF Grischun, Chasper Pult, intermediatur da cultura, Angela Casanova, deputada Cussegl grond e Bruno Abegg, perscrutader da turissem. La discussiun vegn manada per rumantsch e tudestg da Stefanie Hablützel (SRF) ed Andri Franziscus (RTR).
La debatta po era vegnir persequitada a chasa via livestream sin www.rtr.ch, www.srf.ch/graubuenden u sin RTR+ (HbbTV via SRF1 e SRF2).

Communcaziuns a las medias