Siglir tar il cuntegn

Header

Navigaziun

Andri Franziscus e Stefanie Habluetzel ils moderaturs da la saira.
Legenda: Andri Franziscus e Stefanie Habluetzel ils moderaturs da la saira. RTR
cuntegn

Gieus olimpics 2026 «Gieus olimpics 2026: senn u nunsenn»? Ina discussiun al podium

Radiotelevisiun Svizra Rumantscha ed il studio regiunal grischun da SRF envidan a la discussiun da podium «Gieus olimpics 2026: senn u nunsenn» ed emettan quella live sin rtr.ch, srf.ch/graubuenden e sin RTR+. La debatta ha lieu gievgia, ils 26 da schaner, a las 19:30 en il Hotel Laaxerhof a Laax.

ls 12 da favrer 2017 votescha il pievel grischun davart ina candidatura per ils gieus olimpics ed ils paralimpics d'enviern 2026. Curt avant la dumengia da votaziun tutgan RTR e SRF il puls tar adherents ed adversaris ed envidan ad ina discussiun al podium cuntraversa.
Sin il podium discuteschan: Jon Domenic Parolini, cusseglier guvernativ, Silva Semadeni, cussegliera naziunala, Reto Gurtner, CEO Arena Alva, Anita Mazzetta, gestiunaria WWF Grischun, Chasper Pult, intermediatur da cultura, Angela Casanova, deputada Cussegl grond e Bruno Abegg, perscrutader da turissem. La discussiun vegn manada per rumantsch e tudestg da Stefanie Hablützel (SRF) ed Andri Franziscus (RTR).
La debatta po era vegnir persequitada a chasa via livestream sin www.rtr.ch, www.srf.ch/graubuenden u sin RTR+ (HbbTV via SRF1 e SRF2).