Curs da rumantsch divertent

«Co vai?» ubain «Danunder vegns ti?» - quai èn savens emprims pass, las emprimas construcziuns cura ch’ins emprenda rumantsch.

Curs da rumantsch divertent.

Legenda da maletgs: Curs da rumantsch divertent. RTR

A partir dals 27 da zercladur 2017 pon Na-Rumantschas e Na-Rumantschs far lur emprimas experientschas cun la lingua rumantscha cun tadlar la nova emissiun «Emprims pass» dal Radio Rumantsch.

Ensemen cun la magistra ed actura Marina Blumenthal fan Stefan Tscharner e Danilo Bavier, dus novs collavuraturs da RTR che na discurran anc betg rumantsch, questa stad lur emprimas experientschas cun il rumantsch. Lur capriolas linguisticas e volvalieungas acrobaticas èn d’udir questa stad a partir dals 27 da zercladur mintga mardi a las 10.15 al Radio Rumantsch.