Examinar la savida generala tar la Svizra, provocar ils agens amis e daventar ina part d’ina communitad speziala – sin il smartphone, ma era en la vita reala. Quai èn las finamiras da la «politbox», la nova app da quiz che la SRG SSR endrizza per las elecziuns naziunalas 2015.
La app «politbox» è disponibla a partir da l’entschatta da matg en las quatter linguas naziunalas ed englais. Tut tgi che vul po sa mesirar en dumondas tar la politica e la societad svizra.
Sper las dumondas da savida pon ins era s’exprimer tar temas actuals. Questa furma da retschertga lubescha da mesirar il puls da la communitad e da scuvrir ses giavischs e quitads.