Las Rumantschas ed ils Rumantschs èn derasads per l’entir mund. Radiotelevisiun Svizra Rumantscha (RTR) tschertga dapi il favrer tut ils Rumantschs a l’ester e fin uss avain nus chattà passa 200 persunas. Tgi che fa in clic sin la charta mundiala interactiva sin rtr.ch/dossiers po vesair, tgi che viva nua.
RTR ha organisà dus dis d’acziun nua che las audituras ed ils auditurs han pudì telefonar ed annunziar lur chars che vivan a l’ester. Bleras mammas han raquintà ch’i saja stà grev da laschar ir lur uffants e ch’ellas laschian savens encrescher. Insaquants han er udì dal project ed èn s’annunziads direct tar RTR. En tut ha RTR survegnì var 80 telefons e 50 annunzias per e-mail.