In café cun Marionna Lombriser per 2xNadal

Far in regal e gidar, quai è il senn da l'acziun caritativa «2xNadal» da la SRG SSR, la Crusch Cotschna Svizra e la Posta Svizra. Era Radiotelevisiun Svizra Rumantscha (RTR) rimna per l’acziun. La moderatura Marionna Lombriser visita Salouf e Vella e va a la tschertga da pachets.

La moderatura dal Radio Rumantsch: Marionna Lombriser

Legenda da maletgs: La moderatura dal Radio Rumantsch: Marionna Lombriser RTR

Radiotelevisiun Svizra Rumantscha (RTR) envida ad in café gratuit e rimna regals per l’acziun 2xNadal. Quai a Salouf ed a Vella. Ils abitants e las abitantas da las regiuns pon purtar lur regals - per exempel 1 pac ris, 1 pac pasta, 1 buttiglia schampo u 1 stgatla da colurs - e star da cumpagnia. A mintgin che porta in regal offrescha RTR in café.

La mesadad da las donaziuns reparta la Crusch Cotschna alura ad instituziuns e persunas basegnusas en Svizra, l’autra mesadad en l’Europa da l’Ost. Spezialmain giavischada è rauba ch’ins dovra mintga di. Victualias che na van betg a mal sco pasta, ris, ieli e conservas da consumar anc silmain 6 mais. Artitgels d’igiena e da tualetta sco savun u pasta da dents. Material da scola e da papetaria ubain chalzers d’uffants novs.

L’acziun da 2x Nadal ha lieu:
mardi, ils 29-12-2015
en l’Ustaria Alpina a Salouf, 9:00 – 12:00
gievgia, ils 07-01-2016
en l’Ustria dalla Posta a Vella, 9:00 – 12:00