Emissiun naziunala da la SRG SSR per il prim d’avust

Nationale 1. August-Sendung der SRG / Fête nationale

Fotografia (da san.): Jean-Marc Richard, Maria Victoria Haas, Clarissa Tami e Sven Epiney

Legenda da maletgs: Fotografia (da san.): Jean-Marc Richard, Maria Victoria Haas, Clarissa Tami e Sven Epiney SRG SSR

Sven Epiney (SRF), Maria Victoria Haas (RTR), Clarissa Tami (RSI) e Jean-Marc Richard (RTS) prendan cun els ils aspectaturs sin in viadi interessant tras la Svizra e mussan chaussas remartgablas da lur regiun. Per cuntanscher lur destinaziun, l’Älggi-Alp, dovran els er meds da transport nunconvenziunals sco parasgulader, asen, wakeboard e canyoning.

Il viadi da Maria Victoria Haas entschaiva en il cor dal Grischun, sin la planira auta singulara da l’Alp Flix. Là entaupa ella in scutinader da chavals, sfunsa suenter en la chavorgia da la Viamala cun sia istorgia da transit da 2000 onns. A Surrein visita ella la chasa «ballantschanta» ch’il fundatur da zai ski Simon Jacomet è vi da bajegiar e ch’el preschenta per l’emprima giada a la publicitad. Lura sa metta ella sin viadi tras l’aria en direcziun Älggi-Alp.