Siglir tar il cuntegn

Header

cuntegn

Istorgia 2020 – 2018

La cronica da RTR 2020 – 2018

2020

Schaner

01-01 - 30-07, Cuira

«Tavau Today», «Café federal», «Malencletientschas» è «Podknast» èn titels da serias realisadas da RTR durant l’emprim mez onn 2020 per il format da podcast che chatta adina dapli adherentas ed adherents.

«Malencletientschas»
Legenda: «Malencletientschas» RTR

29-01, Cuira

A chaschun da sia seduta dals 29 da schaner 2020 ha il Cussegl federal decidì che las contribuziuns textualas en rumantsch publitgadas en il rom da la purschida online da RTR n’èn – a partir dal 1. da mars 2020 – betg pli suttamessas ad ina limitaziun da max. 1’000 segns, e quai er senza referiment ad in’emissiun.

Nagina limitaziun da max. 1’000 segns.
Legenda: Nagina limitaziun da max. 1’000 segns. RTR

Mars

16-03, Cuira

La pandemia da corona ha era influenza sin la lavur da RTR. Dapi ils 16 da mars 2020 lavuran – cun excepziun da las persunas responsabels per las emissiuns quotidianas – tut las collavurturas e tut ils collavavuraturs davent da chasa, q.v.d. en homeoffice. En consequenza dal coronavirus ha RTR era stuì annular numerusas acziuns ed occurrenzas. Medemamain ha RTR adattà si’offerta da radio, cumplettà la purschida per uffants en la rait e creà ina plattfurma digitala per la cultura.

Pandemia e homeoffice
Legenda: Pandemia e homeoffice RTR

Zercladur

25-06, Cuira

Sin proposta da la suprastanza regiunala da la SRG SSR Svizra Rumantscha (SRG.R) ha il cussegl d'administraziun da la SRG SSR èlegì ils 25 da zercladur 2020 Nicolas Pernet (40) sco nov directur da RTR e successur da Ladina Heimgartner.

Nicolas Pernet sco nov directur
Legenda: Nicolas Pernet sco nov directur RTR

Fanadur

01-07 - 31-08, Cuira

Ils auturs Carlo Beer ed Urs Berlinger han scrit per RTR l’emprima seria-web ficziunala rumantscha «Metta da fein», ina cumedia naira en pliras episodas. Las lavurs da filmada han lieu il fanadur/avust 2020 a Vrin e Lumbrein. Da vesair èn las episodas a partir da mez december 2020 sin rtr.ch.

Metta da fain
Legenda: Metta da fain RTR

2019

Favrer

01-02, Cuira

Peer Review: Represchentantas e represchentants da chasas da medias publicas han discutà il favrer en Chasa RTR a Cuira davart lur «raison d'être».

Discussiun en Chasa RTR a Cuira davart lur «raison d'être».
Legenda: Discussiun en Chasa RTR a Cuira davart lur «raison d'être». RTR

26-02, Cuira

Dapi ils 26 da favrer sa preschenta la pagina d'internet rtr.ch en in nov layout.

Nov layout rtr.ch.
Legenda: Nov layout rtr.ch. RTR

Mars

25-03, Cuira

Ils 25 da mars è vegnì preschentà a la publicitad il concept «Medias rumantschas 2019». Per garantir ina purschida mediala durabla era en rumantsch vegn intesivada la collavuraziun tranter las medias privatas e las medias publicas/RTR.

«Medias rumantschas 2019».
Legenda: «Medias rumantschas 2019». RTR

Avrigl

09-04, Cuira

En la seduta dals 9 d'avrigl ha la direcziun RTR lantschà il project «metadatas ed intelligenza artifiziala». L'emprim focus per RTR sa fatschenta cun il project «speech to text/pled tar text» (maschinas ch'emprendan cun agid dad audios e transcripziuns ils idioms rumantschs). Finamira è da cuntanscher ina transcripziun automatica da texts che po alura p.ex. vegnir duvrada per megliurar la tschertga en l'archiv, crear texts transcrits automaticamain per elavurar contribuziuns ubain en connex cun la preparaziun da sistems d'uschenumnads «Smart Speakers».

Nov project
Legenda: Nov project RTR

November

01-11, Cuira

L'entschatta da november ha Ladina Heimgartner, daipi ils 2014 directura da RTR, annunzià ch'ella badnunia la fin da l'onn la SRG SSR, per la quala ella è stada engaschada en differentas funcziuns ils ultims 13 onns. En la chasa da medias Ringier vegn ella en il futur a far part dal comité da direcziun e manar il «Corporate Center».

09-11, Falera

Ils 9 da november ha RTR festivà «35 onns producziun da musica». En il rom d'ina saira da cumpagnia en la Fermata a Falera èn vegnidas a pled persunas da la scena da musica, e durant in'entira emna ha RTR emess puncts culminants da concerts registrads dapi il 1984.

Ladina Heimgartner banduna la SRG SSR.
Legenda: Ladina Heimgartner banduna la SRG SSR. RTR

December

12-12, Cuira

Il december cumpara l'ultima ediziun dals Accents, la gasetta da chasa da RTR, che vegnan edids dapi il 2010 mintgamai quatter giadas l'onn.

ultima ediziun Accents
Legenda: ultima ediziun Accents RTR

2018

Schaner

01-01, Cuira

Dapi il schaner èsi pussaivel da leger novitads regiunalas da RTR en il Grischun sin ils visurs da l'AutoDaPosta.

novitads da RTR sin visurs da la posta
Legenda: novitads da RTR sin visurs da la posta RTR

31-01, Cuira

Turnea da la lectura «Sin il viv!»: Per festivar il giubileum da 25 onns da l'emissiun «Impuls» dal RR che RTR emetta dapi 1993 ha la redactura responsabla Flurina Badel organisà ina turnea da lectura. L'emprima da las set lecturas planisadas ha gì lieu la fin da schaner en la Garascha Oberalp a Sedrun.

Emprima lectura da la turnea «Sin il viv!» a Sedrun.
Legenda: Emprima lectura da la turnea «Sin il viv!» a Sedrun. RTR

Mars

04-03, Cuira

Ils 4 da mars vegn l'iniziativa «No Billag» - che vuleva abolir las taxas per radio e televisiun refusada. En l'entira Svizra èn 71.6% ed en il Grischun 77.2% da las votantas e dals votants cunter l'iniziativa.

L'iniziativa «No Billag» vegn refusada.
Legenda: L'iniziativa «No Billag» vegn refusada. RTR

Fanadur

01-07, Cuira

Onlinepanel: La stad 2018 ha RTR envidà bun 3'000 persunas da participar ad ina retschertga online. Passa 800 persunas han acceptà da participar a questa - per RTR - nova furma da retschertga e da far 4-5 l'onn retschertgas tar ils temas radio, tv ed online.

Settember

23-09, Cuira

La saira dals 23 da settember mussa SRF1 la cumedia «Amur senza fin» - in film da televisiun per rumantsch. Las emprimas discussiuns per realisar in film rumantsch han gì lieu gia il 2012. Dus motivs èn stads decisivs: las acturas ed ils acturs che discurran rumantsch e l'impurtanza politic-culturala d'in tal project.

 «Amur senza fin»
Legenda: «Amur senza fin» RTR

Artitgels legids il pli savens