Siglir tar il cuntegn

Header

apéro SRG SSR
Legenda: SRG SSR
cuntegn

SRG SSR dovra voss'opiniun Retschertga online: Co po la SRG SSR meglierar sia purschida?

La SRG SSR è enragischada fermamain en la societad svizra ed è sco uniun averta per in e scadina. Tant pli impurtant èsi per ella da chapir, co che la populaziun percepescha sia incumbensa da service public. Voss'opiniun è dumandada.

En tge direcziun sto la SRG SSR sa sviluppar a Voss avis per pudair realisar anc meglier sia incumbensa? Cun agid da questa retschertga vul la societad purtadra SRG.R eruir enfin la fin da matg 2020 tge propostas d'agir che Vus faschais a la SRG SSR per meglierar sias prestaziuns.

As participai a la retschertga online qua, il link avra en ina nova fanestra ubain via www.srgr.ch, il link avra en ina nova fanestra.

Adina puspè survegn er RTR direct resuns davart il program. Qua chattais Vus intgins feedbacks dal public da RTR. Tge pensais Vus? Voss'opiniun quinta.

video
Corina Schmed, redactura / moderatura Telesguard, prelegia il resun da Placi
Or da RTR dals 07.05.2020.
laschar ir
video
Dominic Pohle, redactur da musica, prelegia il resun da Paul
Or da RTR dals 07.05.2020.
laschar ir
video
Livio Chistell, redactur Social / moderatur Telesguard, prelegia in resun dal public
Or da RTR dals 07.05.2020.
laschar ir

Vus avais la pussaivladad da participar a la retschertga enfin ils 31 da matg 2020. Grazia fitg per Vossa confidenza e per gidar la SRG SSR d’optimar regularmain la purschida.

Avais Vus dumondas en connex cun la retschertga? Sandra Carisch-Killias, manadra dal post SRG.R, (mail: sandra.carisch@srgr.ch, il link avra en ina nova fanestra, tel: 058 136 31 30) stat gugent a Vossa disposiziun.