Siglir tar il cuntegn

Interpresa RTR Premiera da film: «Amur senza fin»

RTR envida a la premiera dal film rumantsch «Amur senza fin» cun acturs professiunals, amaturas, statistas e statists da la regiun.

5 persunas sin in maletg ch'èn en la natira
Legenda: «Amur senza fin» In film cun acturs professiunals, amaturas, statistas e statists da la regiun. RTR

Ir a la premiera? -> in clic basta!

«Rumpeivel e custeivel» - preziusa e fragila: La lètg da Mona e Gieri è in zichel sa durmentada suenter 20 onns. Inspirada da propostas nunortodoxas dal nov plevon emprova Mona da dar puspè fieu a lur lètg. Ma Gieri ha in’affera cun Giulia, la meglra amia da Mona. E lezza sa deliberescha e realisescha ses siemi: Ella avra in agen café. E sco Mona dumondan adina dapli dunnas il cussegl dal nov plevon, enfin che la baselgia emprova finalmain da far fin cun quellas activitads „nuncristianas“.

«Amur senza fin» è vegnì filmà l’atun 2017 a Sagogn e conturns. La SRG SSR preschenta la producziun da Zodiac Pictures en cooperaziun cun SRF e RTR en lingua rumantscha cun suttitels en tudestg, franzos e talian.

Premiera a Sagogn

  • data:
    sonda, 25-08-2018
  • uras:
    18:00 apéro e musica
    19:30 avertura da las portas
    20:00 pleds da bainvegni e film
  • lieu:
    halla polivalenta, Sagogn
  • moderaziun:
    Esther Berther
  • l’occurrenza è publica,
    l’entrada è libra
  • Adatg: las plazzas èn limitadas

Premiera supplementara (senza acturs):
dumengia, ils 26-08-2018, 17:00

Il film ha premiera en televisiun sco suonda:

Dumengia, ils 23-09-2018, a las 20:05 sin SRF1