Siglir tar il cuntegn

Header

cuntegn

Interpresa RTR Premiera da «A la sumbriva dal Tambora»

RTR envida a la premiera dal film da Gieri Venzin che descriva la vita cun la fomaz e las strategias per surviver suenter l’erupziun dal vulcan Tambora.

Premiera da film a Sedrun

Avrir la box Serrar la box
  • venderdi, ils 20 d'october 2017 a las 20:00
  • halla polivalenta, Sedrun
  • moderaziun: Bertilla Giossi
  • l’occurrenza è publica, l’entrada è libra
  • suenter la premiera envida RTR ad in apero

Tge consequenzas ha l’erupziun dal Tambora gì en il Grischun? E cun tge strategias han noss perdavants survivì «l’onn senza stad» 1816 e «l’onn da fom» 1817? Sin basa da funtaunas istoricas ed acts da dretgira anc betg enconuschents, dattan l’istoricher Adolf Collenberg e l’archivar Tarcisi Hendry respostas.

Docu-drama ensemen cun teater da Rueras

En scenas fictivas – giugadas d’acturas ed acturs da la cumpagnia da teater da Rueras e conturn, lascha il film reviver il mintgadi en la sumbriva dal Tambora. En il focus stat la sort dals dus paupers delinquents Onna Maria Beer e Remigi Curschellas – omadus Tuatschins, omadus vegnids truads a la mort pervi dad enguladitschs da vivonda.

audio
Mezdi: L’erupziun dal Tambora – discurs cun cineast Gieri Venzin
ord Actualitad dals 20.10.2017.
laschar ir. Durada: 7 minutas 56 Secundas.

Erupziun cun consequenzas mundialas

L'erupziun è la pli gronda dals davos 20'000 onns. L’avrigl 1815 explodescha il vulcan Tambora en l’Indonesia. Da quai da 120’000 persunas vegnan per la vita immediat u entaifer curt temp.

Datas d'emissiuns «Cuntrasts»

Avrir la box Serrar la box
  • dumengia, ils 22-10-2017, a las 17:25 sin SRF 1
  • sonda, ils 28-10-2017, a las 17:10 sin SRF 1 (rep.)

Dentant era il rest dal mund patescha fitg da l’erupziun catastrofala. La tschendra ch’il Tambora bitta en l’aria sa derasa sur l’entira emisfera dal nord, stgirenta il sulegl e fa sumbriva sin terra. Il clima mundial sfradenta per dus grads.

Il 1816 èsi dapertut en l’Europa fraid e bletsch. En il Grischun na datti betg in mais senza naiv. Las racoltas èn miserablas. I suonda in’enorma chareschia ed il 1817 la gronda fomaz.

RTR Cuntrasts 22.10.2017 / RR actualitad 11:45

Artitgels legids il pli savens