Siglir tar il cuntegn
cuntegn

Interpresa RTR Nossaistorgia.ch sin visita a Domat

RTR envida ils 6 da december 2018 a las 14:00 a la preschentaziun da la plattafurma «nossaistorgia.ch» en Casa Falveng a Domat. Laschai reviver il passà e demonstrar a Vus la plattafurma participativa.

Nossaistorgia.ch mussa films, fotografias e documents ch’illustreschan il svilup d’ina vischnanca da purs ad in lieu d’industria. Avais era Vus perditgas pli veglias u actualas da Domat a chasa? Purtai quest material a la preschentaziun en Casa Falveng a Domat. Laschai reviver il temp passà e giudai cun nus in café ed in toc turta.

Maletg nair/alv cun 5 persunas cun mascras da dunnas e faciel da chau.
Legenda: Tschaiver a Domat. MAD

L’istorgia e la memoria dal Grischun sin ina plattafurma: Quai è «nossaistorgia.ch». E qua pudais Vus plazzar fotografias u commentar documents ch’èn gia online. Nossaistorgia.ch è l’emprima plattafurma digitala, istorica e participativa da la Svizra rumantscha e dal Grischun. Persunas privatas ed instituziuns mettan online lur archivs. La finamira è da segirar communablamain la memoria collectiva da noss chantun.