Siglir tar il cuntegn

Custs d'emissiun Program da radio (2017)

Radio Rumantsch porscha 365 dis ad onn in program rumantsch cun infurmaziun actuala ed approfundada, service e divertiment, cun musica da tut las spartas e spezialmain da la scena da musica grischuna.

Radio Rumantsch

Tobia Valär - Moderator des Radio Rumantschs
Legenda: RTR: 24 uras a di Radio Rumantsch RTR

Radio Rumantsch emetta per rumantsch. Singulas emissiuns d’infurmaziuns (Rendez-vous, Echo der Zeit, novitads 24.00-05.00) vegnan surpigliadas da radio SRF. Il program dal «Radio Rumantsch» sa drizza ad in vast public: emissiuns da divertiment, infurmaziuns localas fin internaziunalas, reportaschas da sport e durant 24 uras in program da musica che tanscha dal pop al rock e da la musica populara als semperverds. Ina da las spezialitads dal Radio Rumantsch è la musica rumantscha en tut sias fassettas.

Ils custs totals per las novitads quotidianas e las emissiuns d’infurmaziun actualas en il «Radio Rumantsch» han muntà a ca. 4 milliuns francs l’onn 2017.

Ils custs per il «Radio Rumantsch» (senza l'infurmaziun) han muntà a 3 milliuns francs l’onn 2017.