Siglir tar il cuntegn
Inhalt

Custs d'emissiun Collavuraziun naziunala (2017)

Las unitads d'interpresa da la SRG SSR lavuran tant en il mintgadi sco er en numerus projects ed eveniments ensemen.

Ils custs d'emissiuns da televisiun ed ils custs dals emetturs da radio per l'onn 2017 sa refereschan exclusivamain sin la regiun linguistica respectiva. Ultra da quai collavuran las unitads d'interpresa da la SSR stretgamain tant quai che reguarda il program da mintgadi sco er en il rom da numerus projects naziunals e d'events da sport.

Grafik der Schweiz mit den jeweiligen Logos der Unternehmenseinheiten der SRG SSR
Legenda: La SRG SSR e sias unitads d'interpresa. SRG SSR

La saira tematica naziunala «+3°» davart las consequenzas dal stgaudament dal clima en Svizra è in da quests projects realisads communablamain. La saira tematica che ha durà trais uras cun reportaschas, discurs cun experts, retschertgas d'opiniun ed in film dramatic en trais parts è vegnida emessa durant la primetime en tut las quatter regiuns linguisticas ed ha custà en total 2,3 milliuns francs.

Ulteriurs exempels per la collavuraziun naziunala da SRF, RTS, RSI e RTR èn las emissiuns da televisiun «Eusi Landchuchi» / «Cuisine de chez nous» / «Cucina nostrana» (custs totals da 954 000 francs), la seria documentara «Grüezi Schweiz» / «Bonjour la Suisse» / «Buongiorno Svizzera» / «Allegra Svizra» (custs totals dad 804 000 francs), l'emissiun da radio «Suisse Quiz» (custs totals da 62 000 francs) sco era l'emissiun dal 1. d'avust producida cuminaivlamain, per la quala las unitads d'interpresa han impundì 391 000 francs. Era per promover la generaziun giuvna da musicistas e da musicists svizzers collavuran las unitads d'interpresa da la SSR intensivamain – uschia per exempel en connex cun la retscha da concerts naziunala «8x15». Ils custs totals da questa emissiun da radio e televisiun importan 139 000 francs.

En il sectur dal sport acquista la SSR ils dretgs da transmissiun medials per eveniments da sport naziunals ed internaziunals sco er ils dretgs appartegnents per tut las unitads d'interpresa. En la perioda dal 2014–2017 han quests custs importà en media 50,3 milliuns francs ad onn.