Siglir tar il cuntegn

Header

cuntegn

2016 Accents 2

La Televisiun Rumantscha cun ina nova purschida da stad Il Telesguard fa pausa da stad! Quai ha adina puspè chaschunà discussiuns en chasa RTRe tar noss public. Fissi pussaivel da midar quai? Questa stad fa RTR in’emprova.

Sin fundament da las bunas experientschas cun ils videonews è l’idea naschida da profitar da questa producziun per far in curt magazin quotidian era durant la stad. Ditg e fatg! Ussa realisescha RTR per l’emprima giada in Telesguard era durant ils mais da fanadur e d’avust. L’entschatta da schaner è la gruppa da lavur sa messa a la lavur. L’emprima seduta avain nus gì en in’ustaria a Cuira. Ina saira che ha purtà bleras ideas co che questa emissiun da stad pudess vesair ora. Il credo a la fin da la saira è stà cler: nus lain crear in’emissiun innovativa, infurmativa, divertenta e moderna ch’ins guarda cun gust.

Artitgels legids il pli savens