Siglir tar il cuntegn

Header

Navigaziun

cuntegn

2013 Accents 2

Jau spetg cun brama sin la brev da la schefredacziun, che cumpara duas giadas il mais.

La «Newsletter»

Jau spetg mintgamai cun brama sin la brev da la schefredacziun, la «Newsletter» che cumpara duas giadas il mais. Gian Ramming, Bernard Bearth, René Spescha e David Truttmann èn ils auturs da questa circulara electronica. Adressats principals èn schurnalistas e schurnalists da RTR. Leger pon tut ils RTR-Mail-Users. Ed jau sper ch’era tuts legian.

Questa brev ha pliras funcziuns: ella è in manual schurnalistic, ina directiva, in mussavia, in resun sin prestaziuns gartegiadas e mintgatant era sin talas ch’han forsa betg tutgà la noda. Ella è in organ d’infurmaziun ord la partiziun «program», ella dat ina survista dals projects ed ella explitgescha fenomens e particularitads schurnalisticas che stattan ordaifer la lavur dal mintgadi. Pia era in agid per la reflexiun professiunala. Ed ella dat era in cuc sur las atgnas saivs ora: per mussar co che auters fan lur lavur.

E senza vulair flattar: il stil da la brev tschiffa mai mintga giada. Ils auturs chapeschan da raquintar istorgias, era magari sch’il tema para dad esser sitg. Els prendan il linguatg per il maun e van sur pradas grassas, sa nutrind dals pastgs e da l’erva. Respect e cumpliment per quest’ovra pitschna mo impurtanta e speranza cun bler effect.