Siglir tar il cuntegn
cuntegn

2011 Accents 4

Il vitg global.

«Co agir en quest mund da midadas?»

Autonomia e suveranitad èn elements impurtants da nossa democrazia directa. La Republica da las Trais Lias ha defendì quests bains fin 1803 - ed ha pers la Valtellina, Chiavenna e Bormio. Napoleon ha imponì als Grischuns da daventar part da la Svizra. Las relaziuns cun l’exteriur, il dretg d’atgna posta e munaida – ed auters privilegis d’in stadi suveran – avain nus pers. E dapi 1848 – l’onn da l’emprima Constituziun helvetica – avain nus acceptà bain inqual midada e refurma.

Quests process da midadas èn s’accelerads ils ultims onns a moda anc pli rasanta. Jau schess dapi ils onns 70 da l‘ultim tschientaner cuntinuadamain. Oz essan era nus ina part da quest vitg global, gugent u navidas. Il vitg global pretenda autras soluziuns. La refurma da las vischnancas e da las regiuns en noss chantun è mo in exempel. Per mai as tschenta adina dapli la dumonda: Co agir en quest mund da midadas? Precautamain? Ignorar e restar tar il cumprovà? Euforic? Pasar schanzas e Il vitg global ristgs? Considerar tut ils fatgs, analisar e vegnir ad ina conclusiun cuminaivla?

L‘istorgia mussa: sche nus na faschain betg nus sezs noss pensums da chasa, fan ils auters d’utrò ed imponan soluziuns. Vulain nus quai?

Jau giavisch a vus bellas festas da Nadal ed in cordial BUN DI – BUN ONN.

Duri Bezzola