Spirituals esters en terra rumantscha

Entant ch'i deva pli baud anc avunda «indigens» che studegiavan teologia e surprendevan plaivs sco spiritual, è quai ussa tut auter. Il Grischun dovra spirituals esters che vegnan tar nus. Il rumantsch n'è dentant betg in impediment.

Dus exempels da dus spirituals cumprovan quai. Dirk Jasinski e Patrick Brand han emprendì la lingua rumantscha – e quai entaifer curt temp. Els han gust da la lingua e discurran quella gia sco ils indigens. Da lur experientschas e lur motivaziun raquintan els en l'emissiun.

Contribuziuns

Redacziun: Hugo Schär