Pasca ortodoxa: Eritrea, 2. part

Cristians ortodoxs datti en l'Africa cunzunt en trais pajais: En l'Egipta èn els be ina minoritad e sa numnan Copts, en l'Etiopia ed en l'Eritrea dentant è l'ortodoxia sut il num «tewahedo» da vegl ennà la religiun dominanta. Pervia dals blers fugitivs eritreans è questa furma dal cristianissem adina pli preschenta era tar nus en il Grischun.

Dapi bunamain in onn ha la plaiv tewahedo dal Grischun insatgi per celebrar la messa, il plevon Awet Tesfu, che stat per il mument anc en il center d'asil a Laax. El raquinta, ensemen cun la manadra da la biblioteca interculturala da Cuira, Azamit Berhane, sur da las tradiziuns da Pasca. Sco tar tut ils ortodoxs vegn quella celebrada quest onn il 1. da matg.

Il predi da questa dumengia fa Guido Tomaschett.

Redacziun: Mathias Kundert

Contribuziuns

Laschar ir video «Plevon Awet Tesfu ed Azamit Berhane fan uraziun»

Plevon Awet Tesfu ed Azamit Berhane fan uraziun

0:16 min, dals 21.4.2016

Autur/a: RTR/cl