Land Grabbing – sulom engulà

En la campagna ecumena da Paun per tuts ed Unfrenda da curaisma vai quest onn per terren che vegn occupà da moda e maniera illegala u illegitima en pajais en svilup.

Il sulom da la famiglia Abey è periclità: In grond concern da plantaschas d'ieli ha prendì davent ad els ina part da lur terren ed il rest è circumdà da las plantaschas dal concern. Ma cuntrari a blers auters purs provan ils Abeys da sa defender cunter quest cas da Land Grabbing.

La campagna ecumena da quest onn prenda sut la marella il problem e mussa tge che Land Grabbing ha da far cun nus en Svizra. La campagna è in project communabel da l'organisaziun da svilup da la baselgia evangelica Paun per tuts, da l'organisaziun d'agid catolica Unfrenda da curaisma e da l'organisaziun cristcatolica Esser solidaric.

Contribuziuns

Autur/a: RTR / Rafael Müller