La pietad u stabat mater dolorosa

Venderdi sontg ans regurdain nus da la passiun e mort da Jesus Cristus vid la crusch. Questa scena ha fatschentà ed inspirà sur tschientaners ils artists.

Il misteri da la passiun, mort e levada dentant era la dolur da la mamma sut la crusch è il coc da la poesia medievala ch'entschaiva cun ils pleds «Stabat mater dolorosa». Numerus cumponists han mess quest text en musica. Franz Schubert ha prendì sco punct da partenza betg il text original latin, mabain ina transposiziun en tudestg da Friedrich Gottlieb Klopstock. La musica da Schubert transmetta en moda raffinada la dolur, ma era la fiduzia e speranza.

Il pled sin via dal venderdi sontg fa Stephan Bösiger.

Contribuziuns

Autur/a: Ursin Defuns, Redacziun: Guadench Dazzi