Jörg Blaurock – memia refurmà per ils refurmaturs

En tscherts circuls religius dals Stadis Unids da l'America è il grischun Jörg Blaurock anc oz enconuschent. Tar nus sa regorda strusch insatgi da Georg Cajacob (ca. 1492-1529), alias Jörg Blaurock.

Per el e ses cumpogns, per ils anabaptists, na gieva la refurmaziun betg lunsch avunda. Els levan dapli: nagins battens da pops, naginas autoritads, nagin servetsch militar. Perquai vegnivan els cumbattids e persequitads schizunt dals refurmaturs sco Ulrich Zwingli u Johannes Comander. Blers anabaptists han stuì murir per lur ideas, auters èn scappads fin en l'America. L'emissiun Vita e Cretta sa fatschenta cun l'istorgia da quest'ala radicala da la refurmaziun.

Il pled sin via fa l'avat da la claustra da Mustér Vigeli Monn.

Contribuziuns

Redacziun: Maria Victoria Haas