Esser pader benedictin ed en il medem mument maister da zen

Funcziuna quai?

Da curt ha el, Willigis Jäger, accumplì 90 onns. Willigis Jäger è pader benedictin e maister da zen. Cun ses amis e scolars viva Jäger en la claustra Benediktushof a Holzkirchen en Germania. Qua porschan Jäger e ses aderents introducziuns, seminaris e scolaziuns da meditaziun. Per il ins è Willigis Jäger in idol, per auters in um che cumbinescha in maniera pac reflectada e privlusa la tradiziun cristiana culla pratica da meditaziun budista, il zen. A chaschun dal 90avel anniversari da Willigis Jäger fa Chatrina Gaudenz in per patratgs da la moda da cumbinar tradiziuns occidentalas cun da quellas orientalas.
Redacziun: Chatrina Gaudenz

Contribuziuns

Autur/a: RTR/df