Arvo Pärt: La passiun da Jesus tenor son Gion

Venderdi sontg ans regurdain nus da la passiun e mort da Jesus Cristus vid la crusch. La passiun da Cristus ha fatschentà ed inspirà sur tschientaners ils artists.

L'elavuraziun musicala la pli famusa è la «Passiun da Son Gion» da Johann Sebastian Bach. Nus proponin oz dentant la Passiun dal cumponist eston Arvo Pärt. El è in dals cumponists contemporans ils pli populars. Quai ha da far cun sia abilitad da cumbinar tuns novs cun tradiziuns musicalas. Era en sia «Passio» prenda el si ideas e models dal temp medieval. Sia musica transmetta en moda sensuala il misteri da la passiun, giustia, mort e speranza.

Contribuziuns

Redacziun: Ursin Defuns