Siglir tar il cuntegn

Header

cuntegn

Purtret da l’emissiun

«Tge è capità enfin uss en Vita capita?» – Cun questa dumonda entschaiva mintga singula episoda da la radionovela rumantscha cun il num «Vita capita». Ed i capita propi bler en il mintgadi a Surgonda, bleras chaussas che fan bain e mal al cor ...

Tar la famiglia Caflisch a Surgonda capita adina insatge: La figlia pubertara fa vegnir ord la suna sia mamma Ernesta. Il bab Martin sesa bravamain ditg en l’ustaria Crusch Alva, la nova ustiera al para da plaschair. Il figl s’inamurescha en la meglr’amia da la sora Pirmina, quai che na plascha insumma betg a quella. L’onda dals Caflischs emigrescha en Australia, spetga in uffant e turna alura enavos a Surgonda suenter be dus onns. Lucia dal Volg percunter ha in problem d’alcohol ed il president communal sto instradar ina fusiun cun la vischnanca vischina.

Quai tuna tut da bler mal il cor, da drama, kitsch e currellas. Quai è bun uschia, perquai che la radionvela «Vita capita» stuess precis tunar uschia.

«Vita capita» vegn emess dapi schaner 2012 mintga lavurdi a las 10:15. L’entschatta da l’onn 2015 è stada d’udir gia la 600avla episoda da Surgonda. Ed i dat anc da raquintar bler da Surgonda ... perquai che la vita capita!

Artitgels legids il pli savens