Vitus Bass: Nagut è sco i era, pauc sco i duess esser

En ses cudesch descriva l'autur da Sogn Benedetg la vita en in vitg puril enturn ils 1950. El è naschì là 1949 e creschì si là en ina famiglia da purs. Vitus Bass na descriva dentant betg mo il svilup da ses vitg nativ, el fa era ses patratgs da quai che è sa midà ed ha pers sia valur.

Vitus Bass
Legenda da maletgs: Vitus Bass. RTR

Pli baud vivevan 8 famiglias purilas a Sogn Benedetg, oz anc ina

Dapi blers onns rimna Vitus Bass rauba veglia en sia chasa a Sogn Benedetg. Pli baud vivevan las famiglias purilas independentamain e producivan tut sezzas. Enturn ils 1950 abitavan anc 8 famiglias purilas en ses vitg nativ. Quellas cultivavan ca. 20 hectaras funs. Oz datti anc 1 pur che cultivescha ca. 30 hectaras, di lautur.

Pli baud eran blers paupers, mo ins emblida da far attent a las bellas chaussas da pli baud, co ins viveva en cuminanza cun famiglia ed animals.

Lavurar per viver e betg per gudagnar daners

Vitus Bass ha era scrit ses cudesch, perquai chel è vegnì conscient, con impurtanta che la vita da pli baud era. E questa savida veglia el dar enavant als vegnint suenter. A la fin dal cudesch tschenta lautur il motto: Lavurar per viver e betg per gudagnar daners.

Autur/a: Hubert Giger