Veulden: Ils dis da cultura èn in success

Dis da cultura a Veulden.
Legenda da maletgs: Actualmein han lieu ils dis da cultura Veulden. RTR, F. Belotti

Els cuzzan mintgamai trais dis ils dis da cultura da Veulden. Aveva il festival ch'ha lieu mintg'onn l'entschatta avant sis onn mo paucs visitaders, èn las preschentaziuns oz quasi tuttas vendidas ora.

Ils dis da cultura vegnan manadas tras da la Cuminanza d'interess cultura Veulden. Sco quai che Werner Barandun ha ditg, saja la dumonda per las occurrenzas adina vegnida pli gronda. Quest onn sajan annunziadas radund 100 persunas. Bun in terz dals visitaders derivian da la regiun, e circa dus terz dals visitaders sajan turists e possessurs d'abitaziuns da vacanzas. Il festival ch'ha lieu en la scola veglia da Veulden cumenza mintgamai cun ina saira da film, i suondan prelecziuns e preschentaziuns da teater.

Autur/a: RTR/dh