Valendau: Nova illuminaziun da la funtauna

En connex cun il giubileum da 500 onns Engihuus a Valendau survegn la funtauna ina illuminaziun.

La illuminaziun envida da restar.
Legenda da maletgs: La illuminaziun envida da restar. RTR, Linus Livers

Ils 500 onns Engihuus èn mo in dals giubileums. Medemamain vegn la fundaziun Valendas Impuls 10 onns. Sin quest giubileum han las ovras electricas dal chantun Turitg e la Repower regalà als da Valendau quella illuminaziun dal plaz sper e da la funtauna. La giunfra da l'aua sin la pitga funtauna ha uschia survegnì ina illuminaziun decenta da sutensi.

La figura che ornescha ussa la funtauna da Valendau n'è dentant betg la figura originala. Lezza sa chatta en il Museum retic a Cuira. La copia è vegnida fatga ils onns 50, il pli probabel perquai che la figura originala era crudada giu dal sochel en la funtauna.

Tar la funtauna da lain da Valendau sa tracti da la pli gronda funtauna da lain da l'Europa cun las mesiras da 4,8 sin 7,8 meters ed in cuntegn da 15'000 liters aua.

Legenda da maletgsCopia ed original Legenda da maletgsRTR, Linus Livers

Autur/a: Linus Livers