Val d'Alvra: Utensils da paracord

Corina Dietsch ha in pitschen atelier a Casti. Là producescha ella cularins ed auters utensils or dal material paracord. In material ch'ha gia garantì la vita a paracrudaders americans.

Ils emprims nufs per in cularin èn fatgs.
Legenda da maletgs: Ils emprims nufs per in cularin èn fatgs. RTR, Federico Belotti

Las cordas da paracord vegnivan duvradas gia durant la segunda guerra mundiala da paracrudaders americans. Il material è fitg robust e cun quai fitg adattà da far cularins ed autra rauba sco portaclavs u utensils per chavals sco per exempel mastrins. Corina Dietsch lavura en media radund tschintg uras per ses hobi. Per far tut ils nufs en in cularin dovra ella en media ina mesura.

Autur/a: RTR/fb/uca