Siglir tar il cuntegn

Header

audio
Il chor baselgia ed il chor maschadà da Sedrun han chattà in dirigent.
RTR
laschar ir. Durada: 3 minutas 17 Secundas.
cuntegn

Tujetsch: Dus da trais chors han dirigent

Enfin il cumenzament da la stad vegnivan ils trais chors da Tujetsch dirigids dal medem dirigent. Suenter sia demissiun èsi stà da tschertgar in nov, quai ch'è reussì be a dus chors.

Il chor maschadà da Sedrun ed il chor baselgia da Sedrun han gì cletg. Els han chattà cun Claudio Simonet in dirigent. Al chor maschadà da Rueras n'èsi betg reussì da chattar in dirigent. Sco quai che la presidenta dal chor Ruth Giossi ha ditg a Radiotelevisiun Svizra Rumantscha, hajan ils commembers decidì da tschertgar vinavant e betg da dar si il chor che chanta en baselgia sco era tar occurrenzas profanas.


Malgrà ch'ils dirigents mancan n'è fusiunar nagina opziun
Chantar en in dals dus auters chors en vischnanca na vul la gronda part da las chantaduras ed ils chantadurs betg. Tenor Ruth Giossi vulan ils commembers dal chor maschadà da Rueras pli gugent restar tranter els e chantar a Rueras. Quai malgrà ch'il chor maschadà da Sedrun pudess anc vertir intgins chantadurs. Pertge avant in temp è vegnì tramess in fegl sgulant en las vischnancas da Tujetsch, Medel e Mustér per chattar novs chantadurs. Il success è tenor il president Tadeus Giossi stà plitost pitschen. Tar il chor baselgia da Sedrun na fan ins en quai senn anc betg uschè gronds quitads. Tenor Marcel Soliva, il president dal chor, hajan ins avunda chantadurs. Mo era els tegnian avert ils egls per novs chantadurs

Dapli da «Total local»

Scrollar a sanestra Scrollar a dretga