Trun: Ils artists visitan la senda d'art

Inscunter dartists sin la senda dart a Trun. Sis artists exponan novas ovras.

La installaziun Vita, da Gerhard Heisler che tschiffa cun l'egliada era las baselgias da Trun e Nossadunna.
Legenda da maletgs: La installaziun Vita, da Gerhard Heisler che tschiffa cun l'egliada era las baselgias da Trun e Nossadunna. RTR, Linus Livers

La senda d'art a Trun exista dapi nov onns. l'idea fundamentala era da midar ora sche pussaivel mintga dus onns las sculpturas. Quai è dentant strusch da realisar. Cun ils onns ha quai simplamain dà in'atgna dinamica, ed i ha adina puspè novas sculpturas sin la senda d'art. Ussa han gist 6 artists tschentà novas sculpturas.

«Quai è sta la chaschun d'organisar ina sentupada cun ils artists»

Sco quai che Renata Decurtins la suprastanta da la vischnanca da Trun e responsabla per la senda dart ha detg ad RTR, daja strusch la pussaivladad per ils artist da sentupar e sinscuntrar. Mintgin vegn e montescha sia sculptura e va. Quella giada decleran els in a lauter lur art. Ursi Vincenz lartista dAndiast, sentaupa uschia cun Gerhard Heisler da la tiara tudestga ni cun Lucienne Decurtins da Turitg. Gieri Schmed e Gerhard Heisler discurran cun Agnes Indermaur. Quest barat da cultura è sco Renata Decurtins di fitg fritgaivel, ed ils resuns chella ha survegnì sajan positivs, ha ella manegia.

La senda d'art a Trun sco ella sa preschenta ussa, porscha 59 sculpturas e quai sin 1,5 kilometers.

Autur/a: RTR/ll