Quai vul dir, ins sto sprizzar aua e mintgatant schizunt ir cun ina maschina per far il glatsch guliv. Ils dus giuvens che procuran per questa purschida èn Clau Giger e Markus Steiner (sco successurs da Silvio Albin).
Temperaturas tranter -3 e -8 grads
Ideal per far glatsch sajan temperaturas tranter minus trais e minus otg grads, di Clau. Far glatsch stoppian ins cura ch'igl è fraid. Ma memia fraid na saja era betg bun, perquai ch'il glatsch schelia memia spert e quai dettia rusnas respectiv aria suten. Il grond problem saja il favugn, ma difficultads possia quai era dar cura che quai naivia e las temperaturas èn enturn null ubain minus in grad. Lura stoppian els dismetter la naiv uschè spert sco pussaivel, uschiglio giaja il glatsch en paglia, di Markus.
Far glatsch dat blera lavur, ma per els dus saja quai in hobi.
