Siglir tar il cuntegn

Header

audio
Emprova generala a Meierhof/Sursaissa.
RTR, Hubert Giger
laschar ir. Durada: 3 minutas 3 Secundas.
cuntegn

Sursaissa: Profis han instruì la Brass Band da giuvenils

La Brass Band da giuvenils dal Grischun ha fatg in champ da musica a Meierhof/Sursaissa. Quel è stà dals 9 fin ils 14 da fanadur. 57 giuvnas e giuvens tranter 12 e 25 onns da lentira Svizra han prendì part.

Exercizis intensivs

Ils giuvenils han exercità da quai da 10 uras a di, sco la participanta Selina Gruber ha ditg ad RTR. Els fetschian mintgamai exercizis da register e silsuenter lura las emprovas generalas. Instruids vegnan ils participants da musicists da professiun. La Brass Band da giuvenils sa cumpona da la band A e la band B. Ina part dal camp èn stads dus concerts a Cuira.

A la fin dal camp datti anc dus ulteriurs concerts, in en la sala polivalenta a Sursaissa ed in en la sala polivalenta a Lantsch.

Giubileum da 30 onns

Tenor il president da la Brass Band da giuvenils dal Grischun Toni Deplazes è questa furmaziun vegnida fundada il 1987. Lemprim camp è stà il 1988 e perquai possian els festivar lonn proxim il giubileum da 30 onns camp da musica. Ils ultims onns sajan quels stà mintgamai a Sursaissa.

Questa emna da trenament saja ina buna schanza per ils giuvenils demprender insatge da musicists da professiun, di Toni Deplazes. Era el ha profitar pli baud da quai cura chel sunava anc la tuba en b.

Gronds success

Ils ultims onns ha la Brass Band da giuvenils gì plirs success. Da menziunar èn surtut las victorias al festival da la musica da la giuventetgna mundiala il 1999 ed il 2005. E la brass band ha adina puspè gì dirigents da renum mundial.

Dapli da «Total local»

Scrollar a sanestra Scrollar a dretga