Sumvitg: Ustaria duai restar lieu da s'entupada

Mantegnair l'ustaria en il vitg da Sumvitg, quai vul Yvonne Monn. Perquai è ella sa declerada pronta da far l'emprova.

La nova ustiera Yvonne Monn e l'anteriura ustiera Zita Bass.
Legenda da maletgs: La nova ustiera Yvonne Monn e l'anteriura ustiera Zita Bass. RTR, Gion Hosang

I fiss donn sche Sumvitg n'avess betg pli in'ustaria en il vitg, di Yvonne Monn. Perquai saja ella sa decidida d'empruvar da far ir l'ustaria, cur ch'ella haja vis l'inserat dals possessurs Zita e Norbert Bass per tschertgar in ustier. Ella saja fascinada da lavurar ed esser ensemen cun glieud e quai motiveschia.

In pau starment haja ella dal cuschinar. Mo ella n'è betg persula. Zita Bass, che ha manà sezza l'ustaria durant 35 onns, sa gida e mussa ad Yvonne Monn co tut funcziuna. Ella maina uschia vinavant ina lunga tradiziun. L'ustaria Cruna è numnadamain vegnida averta 1901. La reavertura da l'ustaria Cruna a Sumvitg è ils 15 da settember 2017.

Autur/a: Gion Hosang