Sumvitg: Nums per las vias

Il chantun Grischun ha lantschà 2008 sin incumbensa da la confederaziun in project che procura che tut las vias survegnan nums e las chasas in numer. L'idea da quai è che las adressas en Svizra vegnan armonisadas e che mintga chasa nua che persunas vivan ni lavuran ha ina adressa ch'ins sa buc sbagliar. Quai per che la posta u era organisaziuns da glisch blaua, mo era glieud privata chattian pli tgunsch las adressas. A Sumvitg han ins cumenzà quai l'onn passà e quinta da terminar la lavur mez da quest onn.