Sedrun: Il «eRod» dal hotel Krüzli

Il «eRod» è in auto che va cun battaria. El po far passa 100 km l'ura cun battaria chargiada. Lauto pon ins prender a tschains per ura.

Severin Brugger e ses collegas han zambregià ensemen quest auto. Quai hajan els fatg aifer ina emna en la fabrica da la firma Kyburz a Turitg, la firma che venda tals vehichels electrics. Avant che quel ha dastgà ir sin via hai lura era anc duvrà las controllas necessarias.

Porscher insatge nov

Il hotel Krüzli ha cumprà quest auto (respectiv la tocca per meter ensemen). El ha custà 27000 francs. Lidea saja vegnida, perquai che Sedrun Mustér turissem aveva pli baud in Renault che gieva cun battaria. Els hajan cumprà el cun la finamira da porscher insatge nov per sa differenziar dad auters, di Curdin Brugger, il possessur dal hotel Krüzli. En discussiun èn era quatter fin tschintg velos da muntogna che van cun batteria.

In «siemi da buob»

Per el saja il «eRod» era in siemi chel aveva sco buob, cura chel gieva mintgatant cun gokart. Cun questa maschina possian ins dentant era ir en dus sin via. Ella paisa ca. 600 kg e po far cun la battaria chiargiada passa 100 km.

Il «eRod» stat surtut a disposiziun per ils giasts dal hotel. Quai saja ina pussaivladad da far reclama cun ina idea innovativa, di Brugger.

Contribuziuns

Laschar ir video «Hotel fabritga agen vehichel»

Hotel fabritga agen vehichel

0:54 min, Nouvo RTR dals 28.5.2017

Autur/a: Hubert Giger