Scuol: Surdada lavurs BES ha procurà per discussiuns

Mintga pèr onns fa il bogn Engiadina Scuol BES renovaziuns e revisiuns. Quai capita ussa puspè. A partir dals 13 d'avrigl vegnan fatg durant 4 emnas investiziuns da var 2 milliuns francs. Tar la surdada da la lavur da falegnam hai dà insaquantas discussiuns. Causa il curt temp per far questa lavur ha offrì be ina firma da la regiun e quella era memia chara. Perquai ha survegnì questa lavur da var 150'000 francs ina firma en vischinanza da Cuira, ma quai en collavuraziun cun duas firmas indigenas. Da tut las lavurs ch'eran pussaivlas da surdar en la regiun, è vegnì surdà quasi 90% a firmas da l'Engiadina.