La vischnanca da Scuol sustegna la construcziun d'in nov stabiliment en la fracziun da Nairs. Avant bundant 5 onns è en quest lieu ars ina chasa da persunal. La chasa ha stuì vegnir stgarpada. In investitur indigen ha cumprà quel terrain cun l'intent da fabritgar là ina chasa cun garaschas e magazins per firmas da la regiun. Entras quai duess quella chasa vegnir fabritgada pli gronda. Il chantun n'ha betg acceptà quest midament da zonas a Nairs che la vischnanca ha approvà avant in onn. Ussa vul la vischnanca empruvar anc in giada da survegnir il permiss, quai cun cumpensar quella surfatscha che vegniss nov en quella zona, en in auter lieu da la vischnanca.
Scuol: La vischnanca less engrondir la zona da fabritgar Nairs
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter