Scuol: 90 onns tradiziun garascha Central Denoth

La garascha Central Denoth a Scuol po festegiar quest onn in giubileum. L'onn 1926 è numnadamain rudlà l'emprim auto ord la garascha a Scuol.

Bajetg da la garascha Denoth a Scuol.
Legenda da maletgs: La giubilara la Central Garascha Denoth a Scuol. RTR, E. Mayer

Il fundatur da la garascha, Oscar Denoth, è stat l'emprima persuna che ha fatg la patenta d'auto en Grischun.

Be in onn suenter ch'i era vegnì dà liber dad ir cun autos en Grischun, ha Oscar Denoth cumprà localitads a Scuol e fundà ina garascha. Quella giada n'era la vendita d'autos anc betg grond dumandada. Entras quai ha Oscar Denoth cumenzà ils emprims onns er a far viadis cun il taxi, ina purschida fitg attractiva durant las stagiuns da stad, quai surtut pervi dals numerus giasts dals hotels da Scuol e Vulpera.

Svilup da vendita e reparaturas d'autos cumenzà pir ils onns 50
L'emprima conjunctur'auta d'autos hai dà cura ch'il «Käfer» da VW è vegnì sin il martgà. Dal 1960 ha Oscar Denoth surdà la garascha a ses figl Flurin. Quel ha fabritgà dal 1979 ina garascha nova.

Cun il «WV Golf» hai lura dà in segund boom. 10 onns pli tard ha surpiglià Flurin junior la garascha, che maina quella anc oz en terza generaziun ensemen cun 12 impiegads.

«50 onns automobil en Grischun» - Intervista cun Oscar Denoth en l'emissiun Balcun tort dals 31-03-1975

Laschar ir video «Oscar Denoth - in um da las emprimas uras.»

Oscar Denoth - in um da las emprimas uras.

1:39 min, dals 11.4.2016

Laschar ir video «Il svilup e l'istorgia dal traffic d'autos en Grischun»

Il svilup e l'istorgia dal traffic d'autos en Grischun

17 min, dals 11.4.2016

Autur/a: RTR/cl