Scolars da Trun rimnan daners per ir ad emprender englais

ScolarAs dal consorzi da scola Trun-Sumvitg sengaschan per pudair finanziar in'emna demprender englais ad Eastbourne.

Debora e Noel èn londervi da unscher curregias da las stgellas.
Legenda da maletgs: Debora e Noel èn londervi da unscher curregias da las stgellas. RTR, Gion Hosang

Las scolaras ed ils scolars da la segunda superiura dal consorzi da scola Trun-Sumvitg han gì lidea ch'els pudessan ir en las vacanzas da primavaira ad emprender englais. Ma uschè simpel n'è quai betg. En tut custa quai tranter 12'000 e 13'000 francs per pudair ir in'emna en l'Engalterra ad emprender englais. Ina gronda summa che na duai betg vegnir pajada be dals geniturs. Uschia hai gì num daventar creativs. Per cumplettar la summa vegn fatg lavurs per vischinas e vischins.

Ma cun quai vegnan ils daners probabel betg ensemen, declera il scolast da classa Armon Bearth. Perquai è era anc vegnì lantschà il project sin ina plattafurma da crowdfunding. Là po tgi che vul sustegnair il project cun ina summa tenor giavisch. Sch'igl è giavischà datti lura in pitschen regal persuenter.

Autur/a: Gion Hosang