San Murezzan: Sport da bob n’attira betg pli las massas

La stagiun dal Olimpia Bobrun a San Murezzan ha cumenzà. Cun las mastranzas svizras, il cup europeic ed uss il cup mundial.

Bobrun a San Murezzan.
Legenda da maletgs: Bobrun a San Murezzan. Keystone

Qua spera il mainagestiun Damian Gianola sin blers aspectaturs. Quels na cumparan dapi ils davos onns betg pli uschè savens lung l'unica bobera natirala dal mund. Tenor il mainagestiun da l'Olimpia Bobrun, Damian Gianola, saja quai insatge ch'ins vesa en general en connex cun il sport da bob. Ed a San Murezzan va la glieud pli gugent cun ils skis sche l'aura è buna, entagl dad ir a mirar bob.

Il trend negativ n'è quest onn dentant nagin negativ. Cuntrari saja il cas. Durant las masteranzas svizras èn vegnids uschè blers aspectaturs sco dapi 10 onns betg pli. L'areal da partenza era plain. Damian Gianola guarda perquai positiv en il futur.

Ord l'archiv da RTR

Laschar ir video «125 onns Cresta Run»

125 onns Cresta Run

6:57 min, dals 31.1.2010

Laschar ir video «Cuntrasts dals 25.01.2004»

Cuntrasts dals 25.01.2004

11 min, dals 16.1.2017

Autur/a: Violanta Rominger