San Murezzan: Pli vegl, pli spezial, pli custaivel

Il whisky. I dat millis da differentas sorts whisky. Tradiziunalmain derivan els da la Scozia, l'Irlanda ed era da l'America. La pli gronda bar da whisky dentant, quella sa chatta a San Murezzan en l'hotel Waldhaus am See.

Purtret da Claudio Bernasconi co el derscha en in glas Whisky.
Legenda da maletgs: RTR/Violanta Rominger

Claudio Bernasconi ha stgaffì avant 20 ans la bar ed en il medem mument laffar «Whisky World», nua ch'el venda la spirituosa surtut online en l'entira Svizra, singuls era en l'ester.

Whisky è per Claudio Bernasconi passiun e hobi. Cun quests gudogna el raps – investescha dentant era bler. Cura ch'el va sin viadi per scuvrir novs whiskys, lura cumpra el adina butschins. Quels restan en Scozia, vegnan emplenids là en buttiglias e lura vendids da l'Engiadina anora.

Era sez posseda Bernasconi diversas buttiglias da whisky. El è in collecziunader; baviss dentant mai ina buttiglia che custa in pèr milli francs. Quai resenta el sco decadent.

Autur/a: RTR/vr