San Murezzan: Or da 4 fai 1

La fin demna è vegnì inaugurà il nov magazin da pumpiers ad Islas, San Murezzan.

Ils vehiculs ed il material sa chattan uss tuts en il medem lieu.

Per 10,8 milliuns francs ha la vischnanca bajegià in magazin che porscha plazza per tut il material, las maschinas, tualettas, duschas, stanzas da conferenza che fan da basegn per il cor da pumpiers San Murezzan. Passa 90 pumpiers quintan ils pumpiers San Murezzan. La situaziun avant na cuntentava betg. Ins veva 4 magazins en differents lieus a San Murezzan. Logisticamain era quai difficil raquinta il cumandant Fredi Zarucchi. Uss han els tut en in lieu, tuts pon partir da qua en in cas urgent ed ins sto betg pli avair tschert material 4 giadas. Na betg in magazin da luxus, ma in chins dovra per far buna lavur di Fredi Zarucchi.

Impressiuns dal nov magazin da pumpiers

Autur/a: Violanta Rominger