Rueun: Emprima superiura fa placat per Swissmilk

En l'entira Svizra sa participeschan 103 classas da scola cun 1'600 scolars e scolaras a la concurrenza da crear in placat per Swissmilk.

ScolarAs da l'emprima superiura Rueun.
Legenda da maletgs: ScolarAs da l'emprima superiura Rueun. RTR, L. Livers

Nus vain visità la classa il mument nua ch'il placat na dastga anc betg vegnir mussà, insatgi pudess forsa copiar el, ed insumma i sto anc restar tschelà. Mo in detagl ni l'auter vegn tradì, na dentant betg il placat cumplet.

Ils placats creads da las scolas da la l'entira Svizra vegnan pendids ora ils 28 da mars fin ils 17 d'avrigl. Davent dals 29 da mars datti lura ina concurrenza en la rait cun la pussaivladad da dar la vusch ad ina classa ni l'autra.

Da gudagnar datti duas giadas 1500 francs. Ils victurs da la giuria gudognan 1500 francs e suenter datti anc ina giada 1500 francs per ils victurs da la concurrenza en la rait. Ils da Rueun èn gia pliras giadas sa participads a quella concurrenza da Swissmilk, ma quella giada han els gonda speranza da gudagnar u il premi da la giuria ni quel dal public.

Laschar ir video «Scolars da Rueun creeschan in placat per la concurrenza da Swissmilk»

Scolars da Rueun creeschan in placat per la concurrenza da Swi...

1:46 min, Actualitad video dals 23.2.2016

Autur/a: RTR/cl