Raiver per in e scadin a Scuol

Empè da parcar l'auto en garascha ha Yannick Friedt da Scuol construì enturn quella en ina halla da bouldrar. Giuven e vegl han tar el la pussaivladad da raiver ina giada sco in gheco.

Ina buna tecnica è la basa per raiver en la halla da bouldrar.
Legenda da maletgs: Ina buna tecnica è la basa per raiver en la halla da bouldrar. RTR, Georg Luzzi

Cun bouldrar – raiver sin grippa – promov'ins il sentiment da moviment, ins surmunta temas, ins promova la cuminanza ed anc bler auter, per Yannick Friedt in sport ferm social.

En sia halla da bouldrar ha el montà passa 500 tegns cun differentas rutas. Mintgin ha la pussaivladad da raiver en la halla, quels cun experientscha e era ils principiants.

In emprim pass per ir a rampignar en la muntogna

Per rampignar en la halla da bouldrar dovri sulettamain chalzers da rampignar, nagina sua, chapellina u crutschs da carabina. Il ristg davair in accident è relativamain pitschen, schins croda da la paraid, sa platg'ins sin matratschas. En la halla da bouldrar ins survegnia la tecnica per ristgar pli tard er a rampignar vi dal crap.

Autur/a: Georg Luzzi