Puntraschigna: Chava da glera Montebello era oasa per la natira

Bleras chavas da glera e da crappa valan ozendi era sco lieu nua che la natira sa era sa generar puspè. La Fundaziun natira ed economia ha entant gia certifitgà passa 100 areals dinterpresas ch'èn en vischinanza da la natira.

Gia per la terza giada é la chava da glera Montebello a Puntraschingna vegnida undrada.
Legenda da maletgs: Gia per la terza giada é la chava da glera Montebello a Puntraschingna vegnida undrada. RTR, A. Caprez

L'interpresa da chava da glera Montebello a Puntraschigna po festegiar 10 onns certificaziun tras la Fundaziun natira ed economia. Dapi l'onn 2007 sa haja midà bler sin e sper l'areal da l'interpresa, ha declerà il patrun, Flurin Wieser.


Pli auta sensibilisaziun per lambient

Surtut ils collavuraturs sajan vegnids sensibilisads per l'engaschament a favur da la natira ils ultims onns. Las chavas da glera e da crappa han da furnir mintg'onn ina planisaziun ecologica. Da quella profita tant la natira sco er la chava da glera.


Nov spazi da viver

Grazia a l'engaschament da las interpresas datti adina puspè nov spazi da viver per da tutta sorts animals ed er plantas. Cunquai ch'ins ha alingià la gronda part dals flums artifizialmain, nascha cun chavar glera nov spazi per spezias periclitadas. Quant che l'interpresa Montebello ha gia investì en projects a favur da la natira sin ed enturn l'areal, na sapp'ins betg dir, ha declerà Wieser. Il diplom da certificaziun vala dentant surtut sco reconuschientscha per l'interpresa.

Durant in pitschen act festiv han ins fatg bilantscha suenter 10 onns engaschament da la Montebello SA a Puntraschigna. La chava da glera è stada l'emprima cun in diplom e quinta cun Untervaz tar las duas unicas en il chantun Grischun ch'èn certifitgadas da la Fundaziun natira ed economia.

Laschar ir video «Surdada dal certificat avant 10 onns»

Surdada dal certificat avant 10 onns

2:38 min, dals 5.6.2007

Autur/a: RTR/ac/dm/dh