Pitschna balla – gronds problems

Il Snow Polo World Cup a San Murezzan ha lieu quest onn per la 33avla giada. Reto Gaudenzi da Silvaplauna aveva fundà il turnier l'onn 1985, dapi là è l'occurrenza sin il lai schelà da San Murezzan in success. Quella giada dentant avevan be paucs cret vidlonder – vi d'in turnier da polo sin naiv.

La balla da polo exista or da dus vettas ed è perquai robusta
Legenda da maletgs: La balla da polo exista or da dus vettas ed è perquai robusta

La tschertga suenter la gista balla

Reto Gaudenzi stueva schliar blers problems avant l'emprim turnier. In da quels era la tschertga da la gista balla. Quellas che vegnivan duvradas per turniers indoor n'eran betg adattadas. Las temperaturas bassas en cumbinaziun cun il schlop dal bastun da polo han laschà schluppar ina balla suenter l'autra.

La soluziun: dus en ina – sa cumprova uss dapi là.

Autur/a: RTR, Violanta Rominger