Siglir tar il cuntegn

Header

audio
Chasa communala da Panaduz cun la sala per la scolina
RTR, Angela Hendry
laschar ir. Durada: 3 minutas 45 Secundas.
cuntegn

Panaduz ha memia blers uffants

Las quatter scolettas da Panaduz èn gia uss pli che plainas. Cun ils blers uffants da l'annada 2014 dovri ina 5avla scolina. Quella è planisada en la chasa da scola nova ch'è dentant pir pronta en dus onns.

Uschia ha la vischnanca decidì da far ina scoletta transitorica, en la sala da la chasa communala. Questa sala ha duas paraids da vaider ed in palantschieu da crap, ina sala fraida. Ma cun tarpuns, sumbrivals ed autras mobiglias sco tendas da tippi daventia quella spert cumadaivla, è Monika Zimmermann, manadra da la scoletta e da la scola primara a Panaduz, persvadida.

Nus faschain quest sforz per ils uffants. Lemprima idea era da dumandar il chantun per ina lubientscha transitorica per in onn, da far duas classas cun 22 scolarets e duas cun 24. Dentant avessi la qualitad dinstrucziun patì cun tants scolarets. Uss dastgan 8 enfin 10 uffants visitar la scoletta transitorica en la chasa communala a Panaduz. Ils uffants sajan la fin finala il futur ed hajan il dretg sin ina buna furmaziun.

Panaduz è bainvulent envers uffants

Era ils proxims onns restan las cifras da scolarets sin in aut nivel. Per Monika Zimmermann ha Panaduz trais avantatgs per famiglias. Il vitg è datiers da Cuira, ina gronda fatschenta porscha bleras plazzas da lavur e la vischnanca saja bainvulenta envers uffants. Uschia na saja quai insumma betg stà ina dumonda dispitaivla, schebain avrir ina 5avla scolina transitorica u betg. Per ils politichers e per la vischnanca saja impurtant chi giaja bain cun ils uffants.

Dapli da «Total local»

Scrollar a sanestra Scrollar a dretga